سن اي باهارئم
سيد نجم الدين دانيالي
سن اي باهارئم
1 بارلی ایاقون اولکه ده قوی توپراقین اوسته
شئحلی دومانون باغچادا ياخ یارپاقین اوسته
2 گئی گوللی دونی چهچه هي وئر، سللمون اويناد
وئر سیندیر ائله گؤرسنه سن بارماقین اوسته
3 دولدور یاغیشـــیله بولودون یوز قانادین سن
یاغدیر، انه داغدان یارانان ایرماقین اوسته
4 ای یاز ، کی گلیببسن بولودون سه هنگین ایدیر
سئخ سئخ سولی یایلیقلاری تا قیشلاقین اوسته
5 شئیپوردا دیــین سرم عاشئقین گول سوزونه باخ
بولبول نئجه چهچه دئمه سین یایلاقین اوسته
6 باخ گؤر ، نئجه نرگیسلر الوبدور الینه جام
بولبولدي كي سويلر آل لاهي، بوداقین اوسته
7 گل ای گول بالئشيم سن اي هر نغمییه معشوق
توخی فرش، اوزادديغون، توپ گول یوماقین اوسته
8 نیلوفره باخ غونچه اچا شان هاوا اوینر
سونبول چالر ال كنديميزده اویناقین اوسته
9 چولده اوتاران آت داوار اینگي ، مرد اوغلان
آت مینر كي چاپا چوللی یا چیلپاغین اوسته
10 سللم کی اسر جاوانلیق خوش ذوقونی پایلر
بوستاندا نفس چک ، ايلش بير چارداقین اوسته
11 گل چشمه گؤزه، بیر باشینا گؤر نه خبر وار؟
حوریلر اوخر بو شعری باش بولاقین اوسته
12 شعروندی مرببا هولو هئیوا ساری یاغ بال
شربتینــنن دؤزوم آل یاخ دار قورساقین اوسته
13 شعري دئگینه سؤزچي عمل ديل امه گون صاف
سالخيميننان مئيي وئر بولبوله، بو باغين اوسته
ارديبشت 1392