بسمه تعالی
شهریور ایئنین 27 سی شهرییارین دونیا عوض ائتمغیندن اوتری
همده فارسین شعر و ادب گونوندن اوتری
به مناسبت گرامیداشت 27 شهریور روز شعر واذب فارسی و سالروز وفات شاعربزرگ سید مخمد حسین بهجت تبریزی سید نجم الدین دانیالی
قوللوق اوسته قوللوق قالار شهریار(1)
1- آرازئــــدیم هر بیر گــؤلدن داشئـــیدیم
قاباغیـــمدا قالان سددن آشئــیدیم
من بوغدیــیا همده گولـه چاشئــیدیم
آمما شاهلار دئدی منه سن لال اول
نجابتیم دئدی گینه سن بال اول
2- گول سونـــبول لر بیتــیرئیدیم وطنه
چورَک ســـویی یئتـــیرئــیدیم وطنه
ساغليق شنلیک گتیرئیدیم وطنه
آمما ظالــم دئدی منه سن لال اول
اوره ک دئـدی گؤزل لیــغه سن خال اول
3- اوجالدئــیديم گــؤی اوزونده بوخاری
گورسَه دئـیــدیم وئرگـیلری چئخاری
یئند یرئیدیم یاغئــش تکین سئخاری
آمما حاکیم دئدی مــنه سن لال اول
دؤزوم دئـــدی گل منــيچين جنــجال اول
4- وئردیـــلار چـوخ صدمـــه لری باريــما
دئد یـــلر چوخ یامانــلاری قاريــما
گوندردیـــلر آفت ده یه ناريــما
منــدن چورَک یِهِ ییب مـــنی دویدیــلر
دانيـــشاندا لال اول دئییب سویدیـلر
5- بیر سکچه ده گر سو اولسا سو چئـخار
گر سوت اولسا یقیین بــیل کی بو چئـخار
گر بال اولـــسا دور و بَره او چئـــخار
آمان آللاه بـــیزه یامان دئـــدیلر
آمما بیزدن شـــیرین باللار یئـــدیلر
6- تا کی گلدی اللی یئددی اینقیلاب
دیل ظولومون یــئردن گوتـدی اینقیلاب
دیل یازئسین آزاد ائـتدی اینقیلاب
گرک کی بیز آزادليقی ساخلیــیاق
سیـــتم یولون ظالیم لره باغلیـــیاق
7- بــیر بولدئــزر دیلــین یـولــون صاف ائـتدی
آزادلیقا ائلــلر دیلــــینده یئـــــــــــتدی
ســرو آغـاجی آزاد ایراندا بــیـــــــــتدی
بو ایشـــیچین کولگه سالار شهرییار
قوللوق اوسته قوللـــوق قالار شهرییار
8- ایندی دئیــئِر آراز ســـوزون اوز دیلی
يايئر سوزون اوز ديلينده سئل یئلی
سئغا ر وئرر بزکلـــیگه هـر تــئلی
شهریـــیار کی بئجرددی گول شعیرده
گـــول بار وئرئر بیــزیم دئیش دئیــرده
9- اؤ قوللـــوق کی بهجت فرهنگه یایـــدی
خدمــتلری ایران نیـیا چــون آیــــدی
میللت اؤنون قدرین تقویمده سایـدی
عــؤلن گونـــون قؤیــــدی میللت بو آددا
شــعر و ادب فارسی گونی قال یاددا